Croeso

Rydym yn gyffrous i rannu effaith gwaith grwpiau Mind lleol yng Nghymru

Kayleigh - Llais profiad bywyd

Mind Abertawe oedd fy unig obaith

Kayleigh, Gwirfoddolwr Cyfryngau Mind Cymru

Rhybudd cynnwys – sôn am hunanladdiad

Rwyf wedi cael cymaint o brofiadau gwael wrth geisio cael cymorth ar gyfer fy iechyd meddwl. Gall y system fod mor anodd, fel petai neb yn poeni.

Mind Abertawe oedd fy ngobaith olaf. I fod yn onest, hebddynt dwi ddim yn meddwl y byddwn i’n fyw heddiw. Roeddwn wedi cyrraedd y pegwn eithaf.

Un noson, cerddais allan o’r tŷ ar fy mhen fy hun. Roeddwn i’n fanig ac yn seicotig. Pan dwi felly, dwi’n gweld ac yn clywed pethau. Mae’n ofnadwy ac yn gwneud i mi deimlo’n bryderus ac yn ofnus. Es i i’r parc ac fe wnes i hunan-niweidio. Dechreuais fynd i mewn ac allan o gyfnod seicotig. Roeddwn i yno, ond nid yno.

Ffoniais yr heddlu – dyna oedd fy nghri am help. Daethant a mynd â fi at y tîm argyfwng.

Rwy’n cofio erfyn i gael fy rhoi mewn ysbyty meddwl, dywedais ‘Rwy’n mynd i frifo fy hun neu rywun arall. Plîs, dwi mor ofnus’. A dyma nhw’n gofyn i mi adael. Roeddwn ar Ffordd y Brenin, dieithryn yn gofyn a oeddwn yn iawn.

Ar ôl hynny doeddwn i ddim yn gwybod beth i’w wneud. Gofynnais i’m partner a ddylwn i fynd at Mind. Rydw i mor falch fy mod wedi gwneud hynny. Heb y gangen Mind lleol, ni fyddwn yma nawr.

Cefais fy rhoi mewn cysylltiad â’r cwnselydd rwy’n cael sesiynau ag ef nawr, gan un o wirfoddolwyr Mind Abertawe. Rwy’n gallu deall fy emosiynau’n well a sut i’w rheoli mewn ffordd iach. Mae wedi bod yn help mawr iawn.

Dyma pam yr wyf am godi llais ar ran pobl a’u hawliau iechyd meddwl. Rwyf wedi argymell Mind am nifer o bethau. Popeth y mae Mind yn ei rannu, rwy’n ei rannu hefyd. Dwi eisiau helpu pobl, fel yr ydych chi'n wi wneud.

Croeso i'n hadroddiad

Mae’n bleser mawr gennym eich cyflwyno i Adroddiad Effaith Blynyddol Ffederasiwn Mind Cymru.

Rydym yn rhannu gyda balchder y gwaith pwysig, sydd wedi newid bywydau mewn rhai achosion, sydd wedi bod yn mynd rhagddo ar hyd a lled Cymru yn ystod y flwyddyn ddiwethaf, gan gefnogi tua 37,000 o bobl ar eu taith tuag at well iechyd meddwl.

Nid oes angen dweud ei bod wedi bod yn flwyddyn gythryblus arall i’n cymunedau, lle mae llawer o bobl yn teimlo effaith yr argyfwng costau byw. Mae nifer o sefydliadau Mind lleol wedi bod yn cynnig cymorth gan gynnwys Mind Castell-nedd Port Talbot sydd wedi darparu cymorth am ddim i dros 60 o bobl yn lleol drwy eu rhaglen Arian a Fi, gan helpu pobl i ddeall yn well eu perthynas ag arian a’i effaith ar eu hiechyd meddwl.

Mae ein gwaith polisi ac ymgyrchu yn Mind Cymru wedi parhau i ddal Llywodraeth Cymru i gyfrif, drwy lansio ein hadroddiad ‘Mesur Iechyd Meddwl (Cymru) – Deng Mlynedd yn Ddiweddarach’.

Fe wnaethom lansio ein Strategaeth Rhwydwaith gyntaf erioed ar gyfer Cymru, ymdrech wirioneddol gydweithredol ar draws Ffederasiwn Mind sy’n nodi cynllun strategol tair blynedd i gefnogi mwy o bobl ac i sicrhau dyfodol cynaliadwy a dylanwadol i’r rhwydwaith Mind lleol yng Nghymru.

Wrth gwrs, ni fyddai hyn yn bosibl heb gefnogaeth, angerdd ac ymroddiad ein cefnogwyr, ein cyllidwyr, ein gwirfoddolwyr a’n gweithlu talentog yng Nghymru.

It goes without saying it has been another turbulent year for our communities, where many people are feeling the impact of the cost-of-living crisis. A number of local Mind organisations have offered support including Neath Port Talbot Mind who have provided FREE support to over 60 people locally through their Money & Me programme, helping people better understand their relationship with money and its impact on their mental health.

Our policy and campaigns work at Mind Cymru has continued to hold Welsh Government to account, launching the publication of our ‘Mental Health (Wales) Measure – Ten Years on’ report.

We launched our first ever Network Strategy for Wales, a truly collaborative effort across the Mind Federation that sets out a three-year strategic plan to support more people and secure a sustainable and impactful future for the local Mind network in Wales.

As we look ahead to 2023/24, this is an exciting and important time for our Federation in Wales, as we strive to be there for anyone living with a mental health problem, at a time where people aren’t receiving the support they need, or receiving it in a timely manner.

Wrth i ni edrych ymlaen at 2023/24, mae hwn yn gyfnod cyffrous a phwysig i’n Ffederasiwn yng Nghymru, wrth i ni ymdrechu i fod yno i unrhyw un sy’n byw gyda phroblem iechyd meddwl, ar adeg pan nad yw pobl yn cael y cymorth sydd ei angen arnynt neu ddim yn derbyn cymorth o'r fath yn brydlon.

Byddwn yn parhau i gynyddu llais pobl ag anghenion iechyd meddwl mewn lleoliadau cenedlaethol a sicrhau bod cymorth yn cael ei gynnig ar lefel ranbarthol ac yn lleol, er mwyn ceisio sicrhau bod pobl sy’n byw gyda phroblem iechyd meddwl yn cael cymorth a pharch.

Emrys Elias
Cadeirydd Pwyllgor
Cadeirydd Cadeiryddion yng Nghymru

Tracey Price
Cadeirydd Un Mind yng Nghymru

Prif Swyddog Gweithredol Mind Sir Benfro a Chaerfyrddin