5. Rydym yn codi arian ar gyfer meddyliau

Heb gefnogaeth ein cymunedau rhyfeddol, ni fyddem yn gallu bod yma ar gyfer y bobl sydd ein hangen. Ond yn yr argyfwng costau byw presennol, rydym i gyd yn gweithio’n galetach, gyda’n gilydd, i wirfoddoli amser a chodi arian mawr ei angen.

Roedd y boblogaeth leol o forloi, a phobl sy’n mwynhau mynd i ddŵr oer y bae, yn ysbrydoliaeth i Mind Conwy drefnu trochfa lwyddiannus yn y môr. Roedd yr her hefyd yn adlewyrchu’r anawsterau emosiynol y mae rhai pobl yn eu hwynebu wrth siarad am eu hiechyd meddwl.

Ddydd Sul 4 Chwefror 2024, mentrodd 71 o bobl i mewn i ddŵr oer y môr a chodwyd dros £7,000. Mae’r digwyddiad codi arian hwyliog ac uchelgeisiol hwn wedi galluogi Mind Conwy i ehangu ei wasanaeth pobl ifanc, o wasanaeth ar gyfer pobl ifanc 16 a throsodd, i wasanaeth ar gyfer plant 11 oed a throsodd, sy’n golygu bod mwy o bobl ifanc yn gallu cael mynediad at wasanaethau fel hunangymorth â gefnogir neu alwadau cefnogi rheolaidd yn awr.

5.1 ‘Seal Splash’: ffordd unigryw o godi arian yng ngogledd Cymru

Pam y mae’r gwaith yma’n bwysig:

Mae risg y bydd pobl sydd angen cymorth iechyd meddwl yn canfod eu hunain heb unman i droi oni bai fod cyllid i wasanaethau cymunedol yn cynyddu i gyfateb i’r galw.
Cafodd 9,352 o blant a phobl ifanc asesiadau Gwasanaethau Cymorth Iechyd Meddwl Sylfaenol Lleol yn 2023, sef 7,403 yn fwy na’r flwyddyn flaenorol – y nifer mwyaf sydd wedi’i gofnodi.
Dywedodd 93% o’r ymatebwyr sy’n derbyn cyllid Gwydnwch y Trydydd Sector fod y sector gwirfoddol yn sybsideiddio gwasanaethau ar gontract a gwasanaethau a gyllidir gan grantiau^[6](WCVA, 2023) .
Mae adroddiad ar gyflwr y sector gan felin drafod New Philanthropy Capital yn awgrymu y gallai elusennau fod yn cyfrannu hyd at £2.4bn i gynnal gwasanaethau cyhoeddus^[7] (NPC, 2024).

[6] Canlyniad ôl-ystyriaeth, CGGC (2023)

[7] Adroddiad State of the sector

Gwylio fideo

5.2 Mind Retail: Canolfan o obaith yn y Rhyl

Mae siopau Mind yn cynnig mwy na phrofiad siopa.

Mae ein 4 siop yng Nghymru yn codi arian hanfodol i ddarparu cymorth iechyd meddwl a helpu i gadw’r gymuned yn iach. Mae lefelau diweithdra yn y Rhyl bron ddwywaith cymaint â’r cyfartaledd ar gyfer Cymru^[8] ac mae 22% o’r siopau ar y stryd fawr yn wag^[9]^[10]. Mae’r siop Mind yng nghanol y dref yn cynnig dillad am bris rhesymol i’r gymuned, cyfleoedd i wirfoddoli a chanolfan i gael mynediad at wybodaeth a chefnogaeth iechyd meddwl.

[8] Proffiliau is-ardal Cyngor Sir Ddinbych 2021, Cyngor Bwrdeistref Sirol Conwy (2021)

{9] Mynegai Amddifadedd Lluosog Cymru (WIMD), (2019)

[10] Bwrdd Gwasanaethau Cyhoeddus Conwy a Sir Ddinbych, Asesiad o Les (2020)

Bob blwyddyn, mae tua 6,500 o fagiau o roddion yn sicrhau bod silffoedd y Rhyl yn llawn. Ond y rhodd fwyaf un yw’r amser a roddir gan y gwirfoddolwyr i ddidoli, gwasanaethu a gwerthu. Mae Joan, un o 4 Gwirfoddolwr Arweiniol, wedi bod yn rhan o’r tîm ers dros 20 mlynedd.

Gall y rôl ddarparu balchder a phwrpas pan fydd profiad personol o broblemau iechyd meddwl ac economi heriol yn rhwystro rhywun rhag cael gwaith cyflogedig. Mae agosrwydd y siop at y gymuned hefyd yn golygu bod mwy o anghenion yn cael eu diwallu. Mae newid i siop ‘popeth yn £5 neu lai’ mewn ymateb i’r argyfwng costau byw wedi rhoi dewis arall fforddiadwy a chynaliadwy i gwsmeriaid tra’n cynyddu gwerthiant.

Manwerthu mewn niferoedd

Mae 5 siop yng Nghymru sy’n codi arian hanfodol a darparu cefnogaeth yn y gymuned.

£70,940

wedi ei godi ar gyfer cymorth iechyd meddwl lleol a chenedlaethol diolch i dros 11,000 o gwsmeriaid.

4

siop Mind, 1 yng Nghaerdydd, Llandudno, Prestatyn a’r Rhyl ac 1 siop yn Llanilltud Fawr yn cael ei rhedeg gan Mind ym Mro Morgannwg

[11] Cynhyrchwyd y gwerthoedd gan ddefnyddio Canllaw dros dro StatsCymru ar enillion fesul awr gros cyfartalog (canolrif) am waith amser llawn

Rhoddodd 63

o wirfoddolwyr bron i 25,000 o oriau o’u hamser, gwerth £402,126^[11]